اشاعة جديدة احذروا التصديق

من يومين ظهرت اشاعة جديدة بتقول ان وكالة الفضاء الاميريكية (ناسا) اعلنت ان يوم الاربعاء الموافق 27 من اغسطس 2008 اللى هيوافق ان شاء الله يوم6 من شهر رمضان هتحصل معجزة كونية مبتتكررش الا كل 60000 سنة وانها حصلت ايام الفراعنة وعلى وشك الحدوث فى التاريخ المذكور المعجزة هى اقتراب كوكب المريخ من القمر لدرجة ممكن تخلينا اننا نشوف كوكب المريخ بالعين المجردة وان المريخ هيكون بنفس حجم القمر وان القمر والمريخ هيكونوا فى وضع اقتران وده استهبال لان القمر تابع والمريخ كوكب فازاى الكوكب هيبقى بحجم التابع على الرغم من ان المريخ حجمه 64 مرة من حجم القمر وكمان حاجة ان المريخ بيسجل اقرب مسافة من الارض كل سنتين و49 يوم تقريبا مش كل 60000 سنة والاشاعة دى اتكرر ذكرها من عام2003 الى العام الحالى ...........
وبيقولوا ان المريخ هيفضل قريب من القمر والارض مدة شهرين بالتمام وكمان حسبم هو هيفضل قد اية دى حاجة تكسف يا بنات احذروا التصديق وبدل ماتقعدوا تستنوا الهبل ده من البلكونة ابقوا صلوا التراويح وكملم العبادات فى الشهر الفضيل ................. تحياتى يا بنات (بنت بسيطة)