سندرلا المبتكرة

ان شاء الله تكونو بخير
مثل ماتعرفون ان قصه سندرلا الكل يعرفه
بس حبيت اليوم انزله بس بشكل ثاااااااااااااني يختلف عن الي سمعتوه
وابطال هاي القصه هسه انتو تعرفوهم من تكملون القصه
كـــــــــــــــــــ يامكان ـــــــــــــان
في دجله الخير والريحان

زوجه وبناتها الثلاثه
ولكن احدى البنات من ام ثانيه
وهي تدعى غزاله المنتدى ( زيتيه سابقا )
اما زوجه ابيها فهيه ( المنوليا )
وخواتها هم جنااات و MAGICAL GIRL


وكان في كل يوم يتشاجرون جميعهم مع غزاله
وفي احدى الايام وبالذات صباحا
دخلت زوجه ابيها ( المنوليا )



زوجة الاب (المنوليا ) : غزالـــه يلا كعدي كافي نوم من نامت عليج طابوكه
غزاله المنتدى : شويه بعد يا زوجة بابا خمسه دقائق اخطف حلم سريع بس واكوم
زوجة الاب ( المنوليا ): كومي كامت قيامتج ان شاء الله
وكعدت غزاله المنتدى وهى تأفأف وادردم
زوجة الاب ( المنوليا ) : يـلا كومي كنسـي ومسحي وطبخي بس مو تحركين الاكل مثل كل مره
بين مانجي
غزاله المنتدى : وانتو وين رايحين ومتزوكين هيجي وكل وحده مسوية نيو لوك

زوجة الاب و بناتها : رايحين حفله الامير سنان
الي راح يحيها الفنان
قائد مليشيات الحب
لختيار وحدة علمود يتزوجها
غزاله المنتدى: أخذونى وياكم اريد اروح وياكم عفية جنااات MAGICAL GIRL و قنعو امكم هئ هئ هئ هئ
زوجة الاب ( المنوليا ) : شعندج رايحة ويانة بملابسج الوسخة ومزقه وشعرج المتروس بعيط وكمل
واضافيرج متروسه طيانه من ورى الحك براسج
وراحت المنوليا و جنااات الرفيعه
وMAGICAL GIRL السمينه
وظلت غزاله المنتدى تتبجبج وحده بالبيت
وفجــأه طلعتلها ســاحره ( روز )
الساحره ( روز ) : شبيج يا غزاله ؟
غزاله : اريد اروح وياهم الحفلة مال الامير سنان
بس ملابسي مكطنة وموبايلي ما بيه رصيد و حذائي طالع اصبعي منه
من ورى لعب الطوبه
الساحره ( روز ) : ولا يهمج
وطلعت الساحرة ( روز ) من جيبها N95 وخابرت على الخياط علاء كمنستري حتى يخيط لغزاله فستان حلو وحذاء اخرموديل فرحت غزاله ومامصدكه
مثل المخبله ولبست ملابسها الجديده وراحت لصالون( انتي مسودنه اذا تخشين عندي) للتجميل وحياكه الشعر
وطلعت غزاله اميره زمـــــــــــــــانه
بس الساحره ( روز ) كالتلها : كدامج للساعه 12 لازم ترجعين لان حضر تجوال يبدي والامريكان يفترون
و اذا اتأخرتي راح ترجعين لملابسج القديمة كدامهم
غزاله المنتدى : ok
غزاله طلعت من البيت لكت الساحره ( روز ) مجهزة سيارة كامري موديل 2000 وهسه وجيتت زرك ( ماشايفه سياره خطيه ) ركبت وراحت للقصر
واثناء تجوالها بالقصر

لفت جمــالها كل اللي موجودين وشافه الامير سنان
وراح عليه وطلب منها تركص وياه
و وافقــت غزاله وكلتله : بس اني ماعرف اركص
بس العب جوبي


الامير سنان : شنو
جوبي قابل كاعدين عند العرب حتى نركص جوبي
شكد لعد انتي شلغم وماتطلعين بمكان
غزاله : هثه ثلون ثنثوي ( كامت تمتمت بالحجي )
الامير سنان : انتي باوعي بعيوني والله الستار
وحصل بيناتهم
نظرات ... همسات .... صمــت ....وكعات .... حــــب
ولكن ......................؟
صارت الساعة12 وغزاله ملتهية تركص وية الامير سنان مامصدكه واحد يركص وياها
وفجاه دكت ساعة القاعة
طن..............طن
( رابطيه على ساعه القشله مباشر )
ادري راح تكولون عكب باجر اعرفه
شافت غزاله المنتدى الساعة ب12
وراحت طكتها ركضة للبيت بسرعه 140 كم / ثا

وية ما جانت تركض وكعت فردة من حذائها وأخذها الامير سنان و صاح للوزير الشخصي ياميلانـــــــــو
جااااااااا ركض وعاف وزير الاستخبارات
محمد كظماوي
ميلانو : امرك مولاى الامير
الامير سنان : اخذ الحذاء وسوي سيرج عليه بالاب توب وكلي منو صاحبه هذا الحذاء
و نزل صورتها بكل الجرايد و عالويب سايت مالت ال اف بي اي وعلى قناة ميلودى هيتس و روتانا كليب
وقناه سبيس تون وحتى بجميع منتديات المعموره وخاصه منتدى دجله نت لوجود اكبر عدد من الصبايا فيه ( كلاوات لا اصدكون هذا الامير يهمبل كله زلم اكو صبايا )
واكتب الى صاحبه هذه الفردة التوجهه للقصـر الملكــى فوراااااااااا
وفي اليوم الثاني
بنات كثير جدا راحو امثال ( احب الي بالي و قمر دجله نت وملكه احزان ولؤلؤه الجنه ورقيقه الاحساس ................ الخ اعذروني الي ماذكرت اسمه ) و يا سبحان الله القندرة ما اجت على كد وحدة منهن
وبعد ايام شافت غزاله المنتدى الاعلان على احد قنوات الكارتون
جان طالع كرندايزر وهيه ( تموت على توم وجيري ) اعلان صورتت فردتها المفقودة
وراحت ركض لقصر الامير سنان
وتعجب من حالها الكسيف والمغزي من ملابس وشعر مكفش وكانت حافيه للعلم وتهرش بشعره من الوسخ
وعند انتعالها للحذاء تفاجئ الامير سنان
لدخول الحذاء برجلها وكان مستاء من هاي الورطه
بس ماباليد حيله والامر كان جمهوري مايكدر يغيره
لازم يزوجه
لذى تورط وزوجه
وعشو عيشه تعيسه وخلفو
سحالي وتماسيح محششين


يلا اشطحو نامو لان خلصت القصه

اجمــــــ التحيات ــــــــل للجميع




__________________

.
. اجمل طفلة

واااااااااو رائعه تسلمي يا جميل

مرسي يسلموا

مشكوره كتير على القصه الرائعه

العفوا

مشكوووووووره

مرسييييييييييي كتير حبيبتي
على القصة الجميلة

ثانكيووووووو على القصة

القصة جميلة بس النهاية مو حلوة